հայտի ներկայացման թվականը սահմանելուց հետո 10 աշխատանքային օրվա ընթացքում պետական լիազոր մարմինը՝

1) գրանցում է հայտը՝ դրան տալով հերթական համար, և տեղեկությունները մուտքագրում է ապրանքային նշանների հայտերի հիմնապաշար.

2) կառավարության սահմանած կարգով անցկացնում է հայտի նախնական փորձաքննություն, որի ընթացքում ստուգում է հայտի փաստաթղթերի և դրանց ներկայացման պայմանների համապատասխանությունը։

Նախնական փորձաքննության արդյունքում գործակալությունը որոշում է ընդունում հայտը հրապարակելու և ըստ էության փորձաքննություն անցկացնելու վերաբերյալ։ Գործակալությունը նշված որոշման մասին երեք աշխատանքային օրվա ընթացքում ծանուցում է հայտատուին՝ հայտնելով նաեւ հայտի համարը եւ այն ներկայացնելու թվականը։

Նախնական փորձաքննության ընթացքում գործակալությունն ստուգում է հայտի, դրան կցված փաստաթղթերի եւ դրանք ներկայացնելու պայմանների համապատասխանությունն օրենքով եւ սույն կարգով սահմանված պահանջներին։

Հայտի քննարկման ցանկացած փուլում, օրենքով սահմանված պետական տուրքի վճարման պայմանով, հայտատուն կարող է դիմում ներկայացնել հայտում փոփոխություններ կատարելու մասին, որոնք պայմանավորված են հայտատուի անունը, ազգանունը (անվանումը) և (կամ) գտնվելու վայրը ճշգրտելու, ձևակերպումները հստակեցնելու կամ վրիպակները վերացնելու անհրաժեշտությամբ, պայմանով, որ դրանք էապես չեն փոխում հայտարկված ապրանքային նշանի պատկերը և հայտում նշված ապրանքների և (կամ) ծառայությունների ցանկը։