Մեր մասին

Բարի գալուստ «eRegulations Armenia» հարթակ, որը ստեղծվել է «Էլեկտրոնային կառավարումը որպես օտարերկրյա ներդրումները խթանելու գործիք» ծրագրի շրջանակներում։ Ծրագիրը իրականացվում է ՄԱԿ-ի զարգացման ծրագրի կողմից ՝ Ավստրիայի զարգացման գործակալության ֆինանսավորմամբ և ՀՀ Էկոնոմիկայի նախարարության և Բիզնես Արմենիա Հիմնադրամի հետ համատեղ

armenia.eregulations.org-ն առցանց, քայլ առ քայլ ուղեցույց է, որտեղ ներկայացված են Հայաստանում բիզնես գործունեություն ծավալելու անհրաժեշտ ընթացակարգերը։ Հարթակում ներկայացվող յուրաքանչյուր ընթացակարգի համար սահմանված է քայլերի հստակ հաջորդականություն՝ ուր գնալ, ում դիմել, ինչ փաստաթղթեր ներկայացնել կամ ստանալ, տուրքերի եւ այլ պարտադիր վճարների չափը, ընթացակարգի տեւողությունը, հետադարձ կապի կամ բողոքների հասցեատերերը, իրավական հիմքերը:

«eRegulations հարթակն ապահովում է կանոնակարգերի եւ ընթացակարգերի առավելագույն թափանցիկություն, նշում է քայլերի հաջորդականությունը, նպաստում է ընթացակարգերի պարզեցմանը: Տեղեկատվության հավաքագրման նպատակով ոլորտային ուսումնասիրությունները պետական մարմիններին հնարավորություն են տալիս վերանայել եւ բարելավել ընթացակարգերը։ Ընթացակարգերն առցանց հարթակում տեղադրելուց հետո հնարավոր է բացահայտել ոչ պարտադիր քայլերն ու պահանջները: «eRegulations» հարթակը խթանում է նորմերի եւ ընթացակարգերի հանրային իրազեկումը և խրախուսում է պետական-մասնավոր երկխոսությունը։

Մեր թիմի նպատակն է բարելավել ներդրումային և գործարար միջավայրը Հայաստանի Հանրապետությունում՝ խթանելով տնտեսության մրցունակության բարձրացումը և օտարերկրյա ներդրումների ներգրավումը։

ՄԵՐ ԹԻՄԸ