Դիմումի ձևը գեներացվում է տեղում և սպասարկման գրասենյակի համապատասխան աշխատակցի կողմից մուտքագրում է բոլոր տվյալները համակարգ, որից հետո գեներացված դիմումը ստորագրվում է հայտատուի կողմից: Միևնույն ժամանակ, դիմումատուն հնարավորություն ունի լրացնել դիմումի ձևաթուղթը նախքան սպասարկման գրասենյակ այցելելը:

Դիմողի ինքնությունը ստուգվում է Հայաստանի Հանրապետության օրենսդրությամբ սահմանված անձը հաստատող փաստաթղթի բնօրինակի կամ սահմանված կարգով հաստատված պատճենի հիման վրա, առանց որի դիմում չի ընդունվում: Ներկայացված դիմումը և կից փաստաթղթերը մուտքագրվում են դիմողի ներկայությամբ և գրանցվում են դիմումների հաշվառման մատյանում, որից հետո դիմողին տրամադրվում է ստացական՝ նշելով դիմումի մուտքագրման օրը, ժամը, րոպեն, մուտքի համարը, դիմողի տվյալները, դիմումով ներկայացվող պահանջը և դիմումին կից ներկայացված փաստաթղթերի ցանկը:

Դիմողին տրամադրվում է դիմումի մուտքագրման «բանալի» և գաղտնաբառ, որոնցով նա հնարավորություն ունեն կոմիտեի պաշտոնական կայքէջում՝ e-cadastre.am , հետևելու իրենց դիմումի քննարկման ընթացքին: