Հայաստանում կացության կարգավիճակ ստանալու համար պետք է կա՛մ ձեռնարկատիրական գործունեություն ծավալել Հայաստանում, կա՛մ աշխատանքային թույլտվություն ունենալ։ Եթե հանդիսանում եք օտարերկրյա կապիտալ ունեցող առևտրային ընկերության հիմնադիր, տնօրեն կամ լիազոր ներկայացուցիչ, ապա ձեզ հարկավոր չէ աշխատանքի թույլտվություն և դուք կարող եք առանց թույլտվության անցնել աշխատանքի Հայաստանում գտնվելու ընթացքում: Այլ դեպքերում օտարերկրյա քաղաքացիները պարտավոր են աշխատանքային թույլտվություն ունենալ՝ Հայաստանում բնկավելու, աշխատելու և կացության կարգավիճակ ձեռք բերելու համար։

Համաձայն «Օտարերկրացիների մասին» ՀՀ օրենքի՝ առանց աշխատանքի թույլտվության Հայաստանի Հանրապետությունում կարող են աշխատել`

- Հայաստանի Հանրապետության մշտական և հատուկ կացության կարգավիճակ ունեցողները

- Հայաստանի Հանրապետության ժամանակավոր կացության կարգավիճակ ունեցողները

- օտարերկրյա պետության առևտրային կազմակերպությունների աշխատակիցները՝ Հայաստանի Հանրապետությունում տեղակայված այդ կազմակերպությունների ներկայացուցչություններում աշխատելու նպատակով

- օտարերկրյա կապիտալի մասնակցությամբ առևտրային կազմակերպությունների հիմնադիրները, տնօրենները կամ լիազորված ներկայացուցիչները.

- օտարերկրյա առևտրային կազմակերպության կողմից իր մասնաճյուղ կամ ներկայացուցչություն առաքվող կամ օտարերկրյա առևտրային կազմակերպություններից գնված մեքենաները, սարքավորումները, հաստոցները տեղադրելու, վերանորոգելու և դրանք շահագործելու համար աշխատողներին որակավորելու նպատակով 6 ամսից ոչ ավել ժամկետով ժամանող օտարերկրյա մասնագետները.

- Հայաստանի Հանրապետության միջազգային պայմանագրերի հիման վրա ժամանող մասնագետները կամ այլ անձինք.

- Հայաստանի Հանրապետության կառավարության սահմանած` առանձին մասնագիտություններով բարձր որակավորում ունեցող օտարերկրացի մասնագետները

- օրենքով նախատեսված այլ դեպքեր

Համաձայն ՀՀ Կառավարության N 493-Ն որոշման, եթե օտարերկրյա աշխատողը չի համապատասխանում «Օտարերկրացիների մասին» ՀՀ օրենքով նախատեսված բացառություններից որևէ մեկին, ապա գործատուն պետք է ձեք բերի աշխատանքի թույլտվություն այդպիսի աշխատողի համար: Ըստ սահմանված կարգի ՝ գործատուները պետք է առաջին հերթին դիմեն ՀՀ Աշխատանքի և Սոցիալական Հարցերի Նախարարություն ՝ թափուր պաշտոնը ՀՀ քաղաքացիով լրացնելու համար: Եթե նախարարությունը չի առաջարկում պաշտոնի համար հարմար թեկնածու կամ գործատուն հրաժարվում է առաջարկված թեկնածուից, գործատուն կարող է դիմել նախարարություն `օտարերկրյա քաղաքացու համար աշխատանքի թույլտվությունը ստանալու համար: Ընդհանուր առմամբ, աշխատանքի թույլտվություն ստանալը ընթացակարգը տևում է 10-15 աշխատանքային օր: