Առանց կապալառու կազմակերպության և (կամ) շինարարության որակի նկատմամբ տեխնիկական հսկողի ներգրավման կառուցապատողը կարող է իրականացնել միջին ռիսկայնության աստիճանի (Il կատեգորիայի) դասակարգում ունեցող հետեւյալ օբյեկտների շինարարությունը՝ համապատասխան նպատակի համար նախատեսված հողամասի տարածքում ոչ ձեռնարկատիրական նպատակով սեփականատիրոջ կողմից կառուցվող, 300 քմ ընդհանուր մակերեսը չգերազանցող մինչեւ երկու վերգետնյա ու մեկ ստորգետնյա հարկ ունեցող անհատական բնակելի տների կառուցում, հաստատված բազմակի օգտագործման օրինակելի նախագծերով նախատեսված օբյեկտների կառուցում, 150 քմ ընդհանուր մակերեսը չգերազանցող օժանդակ շինությունների կառուցում, 50 քմ ընդհանուր մակերեսը չգերազանցող ավտոտնակների կառուցում, 1000 քմ ընդհանուր մակերեսը չգերազանցող ջերմոցների կառուցում, 500 քմ ընդհանուր մակերեսը չգերազանցող գյուղատնտեսական արտադրական նշանակության ոչ հիմնական շինությունների կառուցում, և 100 քմ ընդհանուր մակերեսը չգերազանցող հասարակական նշանակության ոչ հիմնական շինությունների կառուցում:

Եթե օբյեկտի վերակառուցման, վերականգնման, ուժեղացման, արդիականացման կամ գործառնական նշանակության փոփոխության դեպքերում չի առաջանում ինժեներական ենթակառուցվածքի նոր ծառայությունների մատուցման կամ մատուցվող ծառայությունների փոփոխության անհրաժեշտություն, ապա այդ մատակարար կազմակերպٳթյան ներկայացուցչին ընդունող հանձնաժողովի կազմում ընդգրկելու հարկ չկա: