Նախագծման թույլտվության գործողության ժամկետներն են.

II կատեգորիայի օբյեկտների համար՝ 1 տարի

III կատեգորիայի օբյեկտների համար՝ 1,5 տարի

IV կատեգորիայի օբյեկտների համար՝ 2 տարի

Նախագծման թույլտվության տրամադրում չի պահանջվում. հաստատված գոտեվորման նախագիծ ունեցող տարածքներում բազմակի օգտագործման օրինակելի նախագծերով և քաղաքաշինության բնագավառի սերտիֆիկացված նախագծերի կիրառմամբ կառուցապատում իրականացնելիս.

շինարարության թույլտվություն չպահանջող՝ ցածր ռիսկայնության դասակարգում նեցող I կատեգորիայի ցանկացած աշխատանք կատարելիս.

կառույցների արտաքին տեսքը, հարաչափերն ու գործառնական նշանակությունը չփոփոխող աշխատանքների համար, եթե դրանք չեն հանգեցնում շենքի սեյսմակայունությունն ու հուսալիությունն ապահովող կառուցվածքների փոփոխության, չեն վատթարացնում կառուցողական ու անվտանգության այլ բնութագրերը (ցուցանիշները)` II և III կատեգորիաների օբյեկտների կամ դրանց առանձին հատվածների ներքին վերակառուցումների համար, պատմության և մշակույթի հուշարձան չհանդիսացող IV կատեգորիայի բազմաբնակարան բնակելի շենքերում առանձին բնակարանի կամ ոչ բնակելի տարածքի ներքին վերակառուցումների համար, եթե դրանք նաեւ չեն հանգեցնում բազմաբնակարան կամ ստորաբաժանված շենքի ընդհանուր բաժնային սեփականություն հանդիսացող տարածքների փոփոխությանը։